S.A. Agility Championships en Jukebox

Hallo julle

Ons het die Agility Championships hierdie afgelope naweek gehad. Ek was nie in die regte "frame of mind" gewees om by so 'n groot kompetisie deel te neem nie, en ek en my twee hondekinders het nie ge"feature" nie ... ons het ook nie goed genoeg voor die tyd geoefen nie, en twee van die vier bane was regtig verskriklik moeilik gewees - hulle was deur 'n oorseese Agility judge opgestel en beoordeel. Die ander twee van die vier was deur Dazzle en Baloo se teler opgestel en beoordeel, en daardie bane was baie beter gewees.

Hierdie foto is Vrydag geneem - kyk net daardie gesiggie van Dazzle .. wie kan nie mal oor hom wees nie? ..



Mei maand was nie 'n maklike maand vir my nie, maar dit het goed geeindig. Sondag aand beplan ek om die begin van Jukebox te kyk om die video-lys te sien, en daar is my gunsteling sanger in die ateljee - Steve! Wel, die vorige kere toe hy in die ateljee was, het ek probeer om in te bel maar was nie suksesvol nie. Hierdie keer het ek maar weer probeer, en wraggies, daar hoor ek "Jukebox, goeienaand" ...!! Ek het vir Steve en Coenie se "Daar's 'n plek" gevra, 'n paar woorde met Steve, Kurt en Ray Dylan gewissel, en my boodskap gerig aan twee vriendinne en my ma. Dit was die vierde keer wat ek deur gekom het na Jukebox toe - in Ray se woorde van Sondag aand, "Lucky girl!"

Wel, dis al die sesde maand van die jaar - geniet dit.

Liefde
Ninette