Die naweek se dinge

Hallo julle

Ek het die vorige twee inskrywings gou ge-edit - ek het Vrydag besluit om na my ma se voorstel vir 'n naam vir die nuweling te luister, en "Higgins" word toe "Ozz". Dit pas hom beter en dis ook 'n korter en makliker naam vir wanneer ek hom in die Agility ring oor 'n jaar of so moet roep..

Nou ja, Baloo het toe gisteraand vir Ozz gegryp dat Ozz huil soos 'n babatjie .. ek sien toe later dit is stukkend bokant sy ogie en maak dit met Savlon skoon. Vanoggend is sy gesiggie bietjie geswel..! Ek is natuurlik kwaad vir Baloo daaroor, maar het nie erg met hom geraas nie want dit was sy manier om Ozz in sy plek te sit, wat nodig was aan die een kant. Ek twyfel dit sal weer gebeur want Ozz weet nou wie is baas en is baie meer besadig en nie so voor op die wa nie.

Vanmiddag het ek vir Baloo, Dazzle en Ozz strand toe geneem - ek weet nie of Ozz al ooit te vore op die strand was nie maar hy is gek oor die water ... die ander twee is nie regtig mal daaroor om hulle pote onnodig nat te kry nie (soos julle in die videoclip onder kan sien).





Ek het "Nights in Rodanthe" gaan sien - sjoe, maar dis 'n mooi fliek. Richard Geere "is to die for" ... :) . Wie van julle het dit al gesien?

Hoop julle naweek was lekker. Praat weer more.

Liefde
Ninette